ஹபாஸ் இருக்கும் வரை ஏடிகேவுக்கு வெற்றி தான்.. ஐஎஸ்எல்-இன் சிறந்த பயிற்சியாளர்!

கொல்கத்தா : ஜாவியர் ஹர்ணான்டசின் அதிரடி ஆட்டமும், அரிந்தம் பட்டாச்சார்ஜாவின் அற்புத‌ கோல் கீப்பிங்கும், ஏடிகே எஃப்சிக்கு இந்தியன் சூப்பர் லீக்கின் இறுதி ஆட்டத்தில் சென்னையின் எஃப்சிக்கு எதிராக வரலாற்று சிறப்பு மிக்க வெற்றியை கோவாவின் ஜவஹர்லால் நேரு ஸ்டேடியத்தில் சனிக்கிழமை இரவன்று பெற்றுத் தந்தது. இதன் மூலம், இதுவரை மூன்று முறை கோப்பையை வென்றுள்ள ஒரே அணியாக ஏடிகே எஃப்சி திகழ்கிறது. ஏடிகே எஃப்சியின் வெற்றி பயணம், 2019ன் கோடை காலத்தில் ஆன்டானியோ ஹபாஸை தலைமை கோச்சாக மீண்டும் அணிக்கு வரவேற்ற போதே தொடங்கியது என கூறலாம். ஸ்பைன் நாட்டை சேர்ந்த கால்பந்து வல்லுனரான இவர், 2014ல் இதே அணியை ஐஎஸ்எல்லின் முதல் சீசனிலேயே வெற்றியை நோக்கி அழைத்து சென்றது நினைவிருக்கலாம்